الاخبارالمنوعاتمميز

استشارة رجل سوداني يعمل تحت ادارة زوجته يشعل مواقع التواصل الاجتماعي

27views

تداولت مواقع التواصل الاجتماعي استشارة لرجل سوداني يعمل تحت ادارة زوجته وهو في حيرة من امره وحسب متابعات محررة موقع المجرة برس فقد كتب الرجل :(انا وزوجتي شغالين في نفس الشركة وزوجتي هي المديره في الشركة الانا شغال فيها، وأنا موظف عادي ولكن مشكلتها بتدخل مشاكل البيت في الشغل ، يعني لو زعلتها في شي بليل بجي الصباح الشغل بلقاها رافعة فيني جزا وعاملة لي خصم، والمصيبة انو نحن بنطلع سوا من البيت بي عربيتي ولو هي اخرتني وطلعنا متأخرين الشغل بي سببها ، بعد تصل بترسل لي إنذار تأخير عن العمل ، ولو كنت عيان داير اموت وهي شايفه كده وتجيب لي ف العلاج وتساهر معاي وتهتم بي وتلقاها شايله هم الدنيا عشاني وبعد أبقي كويس وارجع الشغل بتسألني كنت متغيب لشنو؟
بقول ليها ؛ يعني ما عارفه؟
بتقول لي جاوب على السؤال .
بقول ليها كنت مريض بتقول لي وينو الاورنيك البثبت انك مريض ، يا جماعة انا بقيت لا عارف اضحك ولا ابكي …)

رواد مواقع التواصل تفاعلوا كثيرا مع مشكلته ونصحه البعض بالتوافق بين زوجته بالبيت والمنزل واعتبروا ان ذلك من صميم العمل الجاد وعليه التعامل مع بنفس الجدية.

Leave a Response