الاخبارمميز

حميدتي يشن هجوما عنيفا على الاسلاميين

84views

فتح نائب رئيس مجلس السيادة الانتقالي في السودان، الفريق محمد حمدان دقلو “حميدتي النار على النظام السابق والحرية والتغيير وشكا من ما اسماه حفر السياسيين لعمل الالية الاقتصادية وقال لولا الانقلابيين لوصل سعر الدولار الفي جنيه”

وقال من حكموا السودان ثلاثين عاما باسم الدين فشلوا حتى في توفير مياه شرب لسكان الخرطوم ويدعون النجاح.

وفي كلمة خلال افطار رمضاني بشرق النيل قال حميدتي “مشكلتنا في السودان ما راضين بي بعض كيف نقبل بعض ارض واسعة تشيلنا وتشيل 10 غيرنا ولكن خلونا نتفق ونقعد مع كل السودان ونضع ايدينا في ايدي بعض انا بكره السياسة والسياسيين لكن دخلت فيها لي اضني”

واضاف “السياسيين عندهم اجندة حتى لو انا عندي اجندة وعايز اقطع بيكم مسافة ادوني كف والله انا صادق في كلامي دا والدنيا رمضان،

وزاد عيبنا لازم نسابق الزمن نحن تاخرنا كثير كنا في مقدمة العالم الان في اخر العالم ، السودان لا تبنيه جهة واحدة ولا قبيلة واحدة السودان الان سودان جديد لينا كلنا لازم نخت يدينا في بعض.

واضاف “السودان كله مظلوم مافي تنمية مافي موية زرقاء الناس تشربها في الخرطوم دي مافي موية نشربها، لازم نقعد نشخص مشكلتنا ومرضنا شنو وما قادرين نتقدم النيل تحتنا وبنشرب موية إرتوازية من النيل ما قادرين نشرب ويجيك واحد يقول ليك نحن ونحن ، لو بتخاف الله امشي شوف ليك مسجد صلي.. 30 سنة ما تسقي الخرطوم موية وتقول لي ناجح.. الدين ما تكبير والله اكبر ساي الدين فعل تطبيق ومخافة الله وفاء واخلاص دا الدين البنعرفوا نحن مسؤولية وزاد ” نقص الموية مسؤولية الحكموا 30 سنة والجماعة الامس ديل جو زادوا الطين بلة

واقسم حميدتي قائلا ” يقول ليك لو ما الانقلابيين كان يكون في نجاح .. اقسم بالله لو ما الانقلابيين الدولار كان وصل الفين الليلة”

سلمناهم ليهم بي 63 الان سلمونا لي 463 زاد اربعمائة .. نحن في اللجنة الاقتصادية مرازيين . نمشي بي جاي نلقا حفروا لينا حفرة هنا نمشي نقفل الحفرة دي نلقاهم حفروا لينا حفرة تانية كيف نمشي قدام بالطريقة دي .. حسد ونفاق ودجل وكذب .. والله ما ح نستسلم لغاية ما تنهض البلد ونمشي قدام الانتقام وتصفية الحسابات ما بتبني بلد .. لازم نخت يدينا في بعض ونحقق العدالة.

وقال حميدتي “بي صراحة بالطريقة دي البلد ما بتمشي .. انبذوا المفتنين انبذو المجرمين والمنتفعين”. .

وانتقد حميدتي الالية الثلاثية الاتحاد الافريقي ويونيتامس وايقاد في عدم الجلوس مع الاعيان ورجال الطرق الصوفية والدينية ورجال الاعمال الذين قال انه سالهم ولم يجد انهم جلسوا واستمعوا لهم واضاف ” اذا ما سمعتوا لي ديل اموركم ما بتمش المشكلة ما بتتحل مش تشوفوا ليكم كوم ناس الاصوات العالية ما بتنفع ديل القواعد والارضية لا زم نتصل معاها .. لازم السودانيين كلهم يكونوا شركاء .. نحن ما ضد حزب ولا ضد زول الانتخابات بدون احزاب ما بتبقا لكن الاحزاب خليهم يكونوا عادلين يرحموا الشعب الانتخابات هي مربط الفرس وكلنا ما مفوضين كلنا جابتنا ظروف لازم الزول البحكم تجيبوا الانتخابات.

1 Comment

  1. الحفر دي خبرة حميدتي والمجلس العسكري.
    كمان قال بتكلم عن الحفر. هو في حفر اكتر من الحفروه لحمدوك وحكومة الثورة المدنية؟؟

Leave a Response